দুর্জেয় দুৰ্দ্দিন (কবিতা)

দুর্জেয়  দুৰ্দ্দিন।

সময়বোৰ  কাৰাগাৰত বন্ধী।

অনাহাৰত বেকাৰ  খাটে

অমৰত্বৰ প্ৰতিশ্ৰুতিৰ শিকলিত বন্ধা শতাব্দীৰ আত্মা।

ঈশ্বৰহঁতৰ কি যে ভেকো-ভাওনা !

 

আৰু এটা নিৰ্বাচন সন্মুখত

তাৰ পিছতেই সংস্থাপন

আত্মাহঁতৰ।

 

সময়বোৰ  এনেকৈয়ে আগবাঢ়ে 

পিঙ্গল পঙ্গুত্বক সশৰীৰে কঢ়িয়াই 

কালান্তক এন্ধাৰে কৰ্ষণ কৰে 

জীৱন্ত আত্মাৰ কবৰ।

দুর্জেয়  দুৰ্দ্দিনে এনেকৈয়ে

হেতালি খেলে

শতাব্দীক জীয়াই ৰখাৰ প্ৰুতিশ্ৰুতিৰে

শিকলিত বন্ধা আত্মাসবৰ লগত। ০ ০ ০

...ৰাব্বি মছৰুৰ

Leave a Reply

Your email address will not be published. Required fields are marked *