উদৰ সাত পুৰুষ মৰিল কেঁচা মাছ খাই, বান্দৰৰ সাতপুৰুষ মৰিল ডাল কোবাই — ভাব সম্প্রসাৰণ

উদৰ সাত পুৰুষ মৰিল কেঁচা মাছ খাই, বান্দৰৰ সাতপুৰুষ মৰিল ডাল কোবাই — ভাব সম্প্রসাৰণ

পূৰ্বপুৰুষৰ পৰা চলি অহা নীতি-নিয়ম বা স্বভাৱ যে  মানুহে এৰিব নোৱাৰে তাকে বুজাবলৈ উক্ত নীতিবচনটো অসমীয়া সমাজত সততে ব্যৱহাৰ কৰা হয়। 

উদ পানীত থকা এবিধ প্ৰানী। ইয়াৰ প্ৰধান খাদ্য হ’ল মাছ। ই মাছ খাইয়েই জীয়াই থাকে। ই মাছ অবিহনে আন একো খাব নোৱাৰে। সেইদৰে বান্দৰ হৈছে এবিধ বনৰীয়া প্ৰাণী। ই বনৰ গছ-গছনিত বাস কৰে। ই গছৰ ডাল বগাই ভাল পায়।  গছৰ ডাল কোবাই ই আনন্দ কৰে। 

সেইদৰে সমাজত আজিও এনে বহুত মানুহ আছে যিসকলে বিজ্ঞানৰ এই চৰম যুগতো অন্ধবিশ্বাস, কুসংস্কাৰ আদি এৰিব পৰা নাই । সিহঁতে সিহঁতৰ পূৰ্বপুৰুষৰ দৰে অন্ধাকৰত নিমজ্জিত থাকি ভাল পায়। আধুনিক শিক্ষাৰ পোহৰে সিহঁতক বিজ্ঞানমনস্ক কৰিব পৰা নাই।  অৰ্থাৎ শিক্ষাই সিহঁতৰ স্বভাৱৰ কোনো পৰিৱৰ্তন ঘটাব পৰা নাই। সিহঁতৰ বাবে শিক্ষা আৰু অশিক্ষা একেই কথা।

উৎস গ্রন্থঃ অসমীয়া ভাব সম্প্রসাৰণ 

Leave a Reply

Your email address will not be published. Required fields are marked *