অতুল চন্দ্ৰ বৰুৱা-চমু পৰিচয়

অতুল চন্দ্ৰ বৰুৱা এজন অসমীয়া প্ৰৱন্ধকাৰ আৰু সাহিত্য সমালোচক। তেওঁৰ জন্ম হয় ১৯১৬ চনৰ ২৯ মে’ত দৰং জিলাৰ মাৰৈ গাঁৱত । পিতৃৰ  নাম  ভোগৰাম বৰুৱা আৰু মাতৃৰ নাম  প্ৰমিলা বৰুৱা। স্থানীয় বিদ্যালয় এখনত প্ৰাথমিক শিক্ষা লাভ কৰি কটন কলেজ আৰু কলিকতা বিশ্ববিদ্যালয়ৰ পৰা ক্ৰমে স্নাতক আৰু¸ স্নাতকোত্তৰ ডিগ্ৰী লাভ কৰি শিক্ষকতাৰে কৰ্ম জীৱন আৰম্ভ কৰি ক্ৰমে বিভিন্ন প্ৰশাসনিক পদত কাৰ্যনিৰ্বাহ কৰি ১৯৭৪ চনত কামৰূপ জিলাৰ অতিৰিক্ত উপায়ুক্ত পদৰ পৰা অৱসৰ গ্ৰহণ কৰে। অতুল চন্দ্ৰ বৰুৱাই  প্ৰায় ডেৰকুৰি পুথি ৰচনা আৰু সম্পাদনা কৰি অসমীয়া সাহিত্যলৈ উল্লেখযোগ্য বৰঙণি আগবঢ়াইছে। তেওঁৰ প্ৰকাশিত পুথিসমূহৰ কেইখনমান হ’ল: সাহিত্যৰ ৰূপৰেখা (১৯৫৭), প্ৰজাপতিৰ নিৰ্বন্ধ (১৯৫৭), সমালোচনা সাহিত্য (১৯৫৮), ভূমি আৰু জীৱন (১৯৫৮), সাহিত্য দৃষ্টি (১৯৬০), সন্ধিয়াৰ সাধু (১৯৬৩), সাহিত্য জীৱন (১৯৬৫), গল্প ভাৰতী (১৯৬৭), অসমীয়া কাব্যত প্ৰেমৰ বোঁৱতী সুঁতি (১৯৭০), মনসা কাব্য আৰু ওজাপালি (১৯৮৭), অসমীয়া অভিধান আৰু ভাষা (১৯৭৭) আদি। অতুল চন্দ্ৰ বৰুৱা ১৯৭৯ চনত অসম সাহিত্য সভাৰ সভাপতি হয়। 

২০০১ চনৰ ২৫ ডিচেম্বৰত তেওঁৰ মৃত্যু হয়। ০ ০ ০

(ৰচনাটি ৰাব্বি মছৰুৰ  ৰচিত ‘অসমীয়া লেখক পৰিচয়’  গ্রন্থৰ পৰা তুলি দিয়া  হৈছে।)

ৰাব্বি মছৰুৰ   ৰচিত  কেইখনমান  গ্রন্থ:

 

Leave a Reply

Your email address will not be published. Required fields are marked *