আব্দুছ ছালাম-Abdus Salam

আব্দুছ ছালাম (Abdus Salam)  আছিল পাকিস্তানৰ পদাৰ্থ বিজ্ঞানী। ১৯২৬ চনৰ ২৯ জানুৱাৰীত পাকিস্তানৰ পঞ্জাব প্ৰদেশৰ জং চহৰত তেওঁৰ জন্ম হয়। পিতৃৰ নাম আছিল চৌধুৰী মহম্মদ হুচেইন আৰু মাতৃৰ নাম আছিল হাজেৰা বেগম। পাকিস্তানৰ পাঞ্জাব বিশ্ববিদ্যালয় আৰু কেমব্ৰিজৰ ছে’ণ্ট জন্‌ছ কলেজত শিক্ষা লাভ কৰি লাহোৰৰ চৰকাৰী মহাবিদ্যালয়ৰ গণিত বিষয়ৰ অধ্যাপকৰূপে কৰ্মজীৱন আৰম্ভ কৰে। ইয়াৰ পাছত ক্ৰমে পাঞ্জাব বিশ্বদ্যিালয় আৰু কেমব্ৰিজ বিশ্ববিদ্যালয়ত অধ্যাপনা কৰি ১৯৫৭ চনত লণ্ডনৰ ইম্পেৰিয়েল কলেজৰ তাত্ত্বিক পদাৰ্থ বিদ্যাৰ অধ্যাপক হয়। ১৯৬৪ চনত ইটালীৰ ট্রিয়েষ্টেত প্ৰতিষ্ঠিত ‘ইণ্টাৰনেচনেল চেণ্টাৰ অব্‌ থিয়ৰিটিকেল ফিজিক্স’ৰ প্ৰতিষ্ঠাপক সঞ্চালকৰূপে দায়িত্বভাৰ গ্ৰহণ কৰে। পৰমাণু-নিউক্লিয়াছত সক্ৰিয়-দুৰ্বল বিদ্যুৎ চৌম্বিক ক্ষেত্ৰৰ স্বৰূপৰ তাত্ত্বিক ব্যাখ্যাৰ বাবে ১৯৭৯ চনত মাৰ্কিন যুক্তৰাষ্ট্রৰ দুগৰাকী বিজ্ঞানী শ্বেলডন লি গ্লাশ্বো আৰু ষ্টিভেন উইনবেৰ্গৰ লগত যুটীয়াভাৱে পদাৰ্থ বিজ্ঞানৰ নোবেল বঁটা লাভ কৰে। ১৯৯৬ চনৰ ২২ নৱেম্বৰত তেওঁৰ মৃত্যু হয়। ০ ০ ০

(আব্দুছ ছালাম (Abdus Salam) ৰচনাটি ৰাব্বি মছৰুৰ  ৰচিত ‘বিশ্ব ব্যক্তি পৰিচয়’ গ্ৰন্থৰ পৰা  তুলি দিয়া হৈছে।)

Related Searches:

Some Useful Books for Students

ৰাব্বি মছৰুৰ  ৰচিত  কেইখনমান  গ্রন্থ: 

Leave a Reply

Your email address will not be published.