আৰ কে নাৰায়ণ-R K Narayan

আৰ কে নাৰায়ণ (R K Narayan) এজন ভাৰতীয় ইংৰাজী গল্পকাৰ আৰু ঔপন্যাসিক আছিল। তেওঁৰ সম্পূৰ্ণ নাম আছিল ৰাছিপুৰম কৃষ্ণস্বামী নাৰায়ণস্বামী। তেওঁ হৈছে খ্যাতিমান কাৰ্টুনিষ্ট আৰ কে লক্ষ্মনৰ জেষ্ঠ্য ভ্ৰাতৃ। ১৯০৬ চনৰ ১০ অক্টোবৰত মাদ্ৰাজ (বৰ্তমানৰ চেন্নাই)ত তেওঁৰ  জন্ম হয়। মাদ্ৰাজৰ মহীশূৰ (বৰ্তমান কৰ্ণাটক)ত শিক্ষাত গ্ৰহণ কৰি ১৯৩০ চনত শিক্ষকতাৰে কৰ্মজীৱনৰ পাতনি মেলে। কিছুদিন ‘জাষ্টিছ’ নামৰ কাকত এখনত সাংবাদিকতাও কৰিছিল। অৱশেষত পূৰ্ণকালীন বৃত্তিধাৰী লেখক হিচাপে গল্প আৰু উপন্যাত ৰচনাত আত্মনিয়োগ কৰে। ইংৰাজীত উপন্যাস লিখা ভাৰতীয় লেখকসকলৰ বাটকটীয়া আৰ কে নাৰায়ণৰ প্ৰথমখন উপন্যাস ‘স্বামী এণ্ড ফ্ৰেণ্ডছ’ প্ৰকাশ হয় ১৯৩৫ চনত। নাৰায়ণে ভাৰতীয় মধ্যশ্ৰেণীৰ সমাজ জীৱনক মূল বিষয়বস্তু হিচাপে লৈ অত্যন্ত সৰল আৰু হাস্যৰস সানি তেওঁৰ গল্প আৰু উপন্যাসমূহ ৰচনা কৰিছিল। একেদৰে ‘স্বামী’ নামৰ কিশোৰ এজনক নায়ক হিচাপে লৈ ‘মালগুড়ি ডে’জ’ নামৰ টেলিভিছনৰ ধাৰাবাহিক এখন ৰচনা কৰে।  এই ধাৰাবাহিকখনৰ বাবে নাৰায়ণে বিভিন্ন বঁটা আৰু সন্মান লাভ কৰে। ইয়াৰ ভিতৰত ‘সাহিত্য অকাডেমী বঁটা’, ‘পদ্মভূষণ’ সন্মান, ‘পদ্মবিভূষণ’ সন্মান আদি উল্লেখযোগ্য। ১৯৮৯ চনত তেওঁ ৰাজ্যসভাৰ সদস্য হয়। ২০০১ চনত ১৩ মে’ত ৯৫ বছৰ বয়সত আৰ কে নাৰায়নৰ মৃত্যু হয়। ০ ০ ০

(আৰ কে নাৰায়ণ (R K Narayan) ৰচনাটি ৰাব্বি মছৰুৰ  ৰচিত ‘বিশ্ব ব্যক্তি পৰিচয়’ গ্ৰন্থৰ পৰা  তুলি দিয়া হৈছে।)

Related Searches:

Some Useful Books for Students

ৰাব্বি মছৰুৰ  ৰচিত  কেইখনমান  গ্রন্থ: 

Leave a Reply

Your email address will not be published.